Almatylyq Aiajan Edilovanyń ólimine qatysty is sotqa berildi, - dep habarlaidy Tengrinews.kz tilshisi qalalyq sotqa silteme jasap.
Tergeý barysynda alynǵan materialdar zertteý úshin Almaty qalasynyń qylmystyq ister jónindegi mamandandyrylǵan aýdanaralyq sotyna joldanǵan.
"T-ǵa qatysty zorlaý, sondai-aq erekshe qatygezdikpen adam óltirý aiyptary boiynsha qylmystyq is qozǵaldy. Bul is jabyq rejimde qaralady, óitkeni is jynystyq sipattaǵy jeke málimetke qatysty. Aldyn ala tyńdaý kezinde sottalýshyǵa qatysty isti ne alqabiler, ne sýdianyń jeke qaraý máselesi sheshiledi. Protsessýaldyq sheshim qabyldanǵannan keiin isti qaraý kúni týraly qosymsha habarlanady", - dedi Almaty qalalyq sotynyń baspasóz hatshysy Abai Jarylqasynuly.
