Aiajan Edilovanyń ólimine qatysty kúdikti aldyn ala tyńdaý kezinde alqabiler sotynan bas tartty. Bul týraly Almaty qalalyq sotynyń baspasóz qyzmeti málimdedi, - dep habarlaidy Tengrinews.kz tilshisi.
"Aldyn ala tyńdaý ótti. Basty sot talqylaýy 9 qarashaǵa belgilengen. Sot protsesi jabyq ótedi. Sottalýshy isti alqabiler sotymen qaraý quqyǵynan bas tartty. Zańǵa sáikes isti sýdia jeke qaraidy", - dep habarlady Almaty qalalyq sotynyń baspasóz hatshysy.
Aita keteiik, 19 naýryzda Almaty qalasynyń turǵyny Aiajan Edilova jumystan shyqqannan keiin habarsyz ketken. Birneshe kúnnen keiin Almaty PD ókilderi qyzdyń qaza bolǵanyn habarlaǵan edi. Joǵalǵan kúni Aiajan jańadan tanysqan er adammen kezdesýge keliskeni anyqtaldy. Kúdikti retinde Túrkistan oblysynyń turǵyny, 1993 jyly týǵan er adam ustalǵan.
