Almatyda Aiajan Edilovanyń ólimine qatysty basty sot otyrysy bastaldy, dep habarlaidy QazAqparat.
Almaty qalalyq sotynyń málimetinshe, protsess asa aýyr qylmystar boiynsha mamandandyrylǵan aýdanaralyq sotta jabyq rejimde ótedi. Isti sýdia Erkin Maishynov qaraidy.
Buǵan deiin sottalýshy istiń alqabilerdiń qatysýymen qaralý quqyǵynan bas tartqan edi.
20 qazan kúni Aiajan Edilovany zorlaý jáne óltirý isi sotqa túsken bolatyn.
Eske salsaq, 19 naýryzda Almatyda 19 jastaǵy boijetken jumystan shyǵyp, úiine oralmaǵan bolatyn. Keiin Aiajan Edilovanyń denesi tabyldy.
Izdeý jumysy kezinde qyzdyń sol kúni áleýmettik jelide tanysqan jigitpen kezdesýdi josparlaǵany anyqtaldy.
Keiin belgili bolǵandai, boijetken sol beitanys jigittiń qylmystyq áreketinen qaza tapqan.
Kúdikti - 1993 jyly týǵan Túrkistan oblysynyń turǵyny.
