Aiazǵa bailanysty elordanyń birqatar JOO-larynda sabaq ýaqyty qysqartylýda, dep habarlaidy "Ult aqparat".
Naqtyraq aitqanda, S.Seifýllin atyndaǵy Qazaq agrotehnikalyq ýniversitetinde qala shetinde turatyn stýdentterge sabaqqa kelmei-aq qoiýyna ruqsat etilgen. Al qalada turatyn stýdentterge sabaq 15.20-da aiaqtalady. Ýniversitet oqytýshylary saǵat 16.00-de úiine qaita beredi.
Al Astana meditsinalyq ýniversitetinde oqý kúni qysqartylǵan - stýdentter saǵat 15.00-den keiin úiine qaita berýine bolady.
Nazarbaev Ýniversitetiniń stýdentterimen birge oqytýshylaryna da jumys kúni búgin saǵat 16.30-da aiaqtalmaq.
Gýmilev atyndaǵy Eýraziia ulttyq ýniversitetinde oqý kúnin qysqartpaý týraly sheshim qabyldanyp otyr.
«Oqý kúnin qysqartý týraly buiryq kelip túsken joq. Sabaq keste boiynsha ótip jatyr», - dep habarlaidy EUÝ baspasóz qyzmetinen.
