Qostanai oblysyndaǵy Aiat boksit kenishindegi qaiǵyly oqiǵa jaily Krasnooktiabr boksit rýda basqarmasynyń Instagram paraqshasynda habarlandy, dep jazady QazAqparat.
«Krasnooktiabr boksit kenishi basqarmasyna» qarasty Aiat boksit kenishinde adam ólimine ákelgen apat boldy. Onda júkti óz betinshe túsiretin eki kóliktiń soqtyǵysýy kezinde júrgizýshilerdiń biri kúrdeli dene jaraqatyn alyp, qaza tapty», - dep málim etti Krasnooktiabr boksit keni basqarmasy óz saitynda.
Kompaniia ujymy men basshylyǵy marqum áriptesiniń otbasy men týǵan-týystaryna qaiǵylaryna ortaqtasyp kóńil aitady.
Sondai-aq jerleýdi uiymdastyrýǵa otbasyna kómek kórsetiletini habarlandy.
Atalǵan fakti boiynsha tergeý amaldary bastaldy.
