Biyl 12 naýryzda abattandyrylǵan sanitarlyq toraptarmen servistiń 11 pavilonyn ornatý boiynsha kelisimge qol qoiyldy. Bul týraly «QazAvtoJol» UK» AQ-nyń baspasóz qyzmet habarlady.
«Taraz-Qainar» aqyly ýchaskesinde 11 jyly dárethana ornatylady.
2021 jylǵy 12 naýryzda abattandyrylǵan sanitarlyq toraptarmen servistiń 11 pavilonyn ornatý boiynsha kelisimge qol qoiyldy. Shaǵyn jáne orta biznesti qoldaý sharalary aiasynda demalys alańdarynda «Feanor» JShS jáne «SÁTNUR» JK jeke investorlarynyń esebinen jol boiyndaǵy qyzmetterdi usyna otyryp, servistiń zamanaýi modýldik pavilondary ornatylady», - delingen «QazAvtoJol» UK» AQ-nyń baspasóz habarlamasynda.
Baspasóz qyzmeti habarlaǵandai, búgingi tańda aqyly jáne josparlanǵan aqyly avtomobil ýchaskeleriniń boiynda 310 bos demalys alańy bar.
«Osy oryndarǵa «QazAvtoJol» UK» AQ barlyq múddeli tulǵalardy qoljetimdi sharttarmen jol boiyndaǵy qyzmet kórsetý jáne saýda salasynda biznes bastaýǵa shaqyrady.
Demalys alańdaryn jaýapty saqtaýǵa berý mehanizmi eki negizgi alǵyshartty qarastyrady: kásipker demalys alańy aýmaǵyndaǵy tazalyqty qadaǵalap, jyly ájethanalary (sanitariialyq-gigienalyq toraptary) japsarlas salynǵan modýldik pavilondar ornatýy tiis. Bul rette «QazAvtoJol» UK» AQ elektr qýatyn, uńǵyma men septik qurylǵylaryn júrgizý múmkindigin qarastyrady. Budan basqa, demalys alańynan jóndeý, qar tazalaý jáne qoqys shyǵarýdy óz moinyna alady«, - delingen baspasóz habarlamasynda.
Sondai-aq, shaǵyn biznesti qoldaý úshin alańdar tegin negizde jaýapty saqtaýǵa beriledi. Jergilikti kásipkerlerge basymdyq beriledi. Jaýapty saqtaý alańyn alý úshin áleýetti investor «QazAvtoJol «UK» AQ saitynda qajet www.qaj.kz «jol boiyndaǵy servis» bólimine kirip, obektiler sanatyn tańdap, ótinim qaldyrý kerek.
