Qazaqstandyqtar 15 myńǵa jýyq joǵary suranystaǵy memlekettik tirkeý nómirlerin satyp alǵan. Osylaisha, el biýdjeti 4 mlrd teńgege tolyqty, dep habarlaidy "Ult aqparat" Qazaqstannyń avtobiznes qaýymdastyǵyna silteme jasap.
«Ekinshi toqsannan bastap naryqta belsendilik artty jáne memlekettik nómirlerge jańadan qosylǵan G, I, J, Q áripterimen aqyly kombinatsiialarǵa suranys kóbeidi. Jyl boiy 15 myńǵa jýyq joǵary suranystaǵy memlekettik tirkeý nómirleri satyldy. Olardyń jalpy quny - 4 mlrd teńge», - delingen habarlamada.
Qaýymdastyq keltirgen derekterge sáikes, 2018 jyly ákimshilik politsiia organdary 1 194 254 kólik quralyn (kelisimsharttar, qaita rásimdeý, avtokólik iesin aýystyrý) esepke qoiǵan. Bul 2017 jylǵy kórsetkishten 14,8% kóbirek.
Ásirese, qaitalama tirkeý sany jalpy tirkeýdiń 92,9% quraǵan.
«El avtoparki eskirip keledi - 2018 jyldyń basynan bastap, jalpy tirkeýdiń 2/3 bóligin 10 jyldan asyp ketken kólikter (790 171 dana) quraǵan. Paidalanǵanyna 20 jyldan asyp ketken kólikter sany - 464 236 avto. 3-10 jyl aralyǵynda 290 205 avtokólik bolsa, úsh jylǵa deiingi jańa kólikter sany - 112 833», - delingen habarlamada.
