Reseidiń Stavropole ólkesinde «Grýziia – Máskeý» baǵytyndaǵy avtobýs jol apatyna ushyrap, bes adam qaza tapty. Taǵy 24 adam zardap shekti. Olardyń arasynda bes bala bar, bireýi jansaqtaý bóliminde jatyr, dep habarlaidy ult.kz.
Apat túngi saǵat bir shamasynda Inozemtsevo eldi mekeni mańyndaǵy «Kavkaz» tasjolynda bolǵan. Setra avtobýsy aldynda kele jatqan KamAZ júk kóligine soǵylyp, keiin joldan shyǵyp, shuńqyrǵa túsip ketken.
Zardap shekkenderdiń barlyǵy Piatigorsk qalasyndaǵy aýrýhanalarǵa jetkizildi. Tórt balanyń jaǵdaiy qanaǵattanarlyq, al bir bala jansaqtaý bóliminde jatyr.
Aldyn ala málimet boiynsha, avtobýs júrgizýshisi KamAZ-ǵa deiingi jyldamdyq pen araqashyqtyqty durys eseptemegen. Qazir jol apatynyń naqty sebepteri men mán-jaiyn jol politsiiasy men tergeýshiler anyqtap jatyr.
