SARS-CoV-2 jańa koronavirýsqa qarsy immýnitet adamdarda atalǵan virýsqa antidene anyqtalǵan keiin 8 aiǵa deiin saqtalatyndyǵy anyqtaldy. Bul jaiynda Insbrýk meditsina ýniversiteti saitynda jariialanǵan aqparatta aitylǵan, dep habarlaidy "Ult aqparat".
Máselen, 2020 jyldyń sáýirinde, pandemiia bastalǵan kezde meditsina qyzmetkerleri Ishgl qaýymy turǵyndaryn koronavirýsqa qarsy antidenege zertteý júrgizgen. Atalǵan qaýym turǵyndaryna qaitalama zertteý sol jyldyń qarashasynda jasalǵan. Nátijesinde birinshi zertteýge qatystan adamdardyń 90 paiyzynda virýsqa antidene saqtalǵany anyqtalyp otyr.
«Birinshi zertteýmen salystyrǵanda antidene kontsentratynyń azdap tómendegenine qaramastan olardyń immýniteti turaqty dep aitýǵa bolady. Sáýirde oń nátije kórsetken qatysýshylardyń 90 paiyzynda antidene qarashada anyqtaldy», - dedi Insbrýk meditsina ýniversiteti Virýsologiia institýtynyń basshysy Doroteia fon Laer.
Taratylǵan aqparatqa qaraǵanda, zertteýge shamamen 900 adam qatysqan.
