Avstraliia zertteýshileri Covid vaktsinasynyń jańa túrin synaqtan ótkize bastady. Ózge ekpelerdiń ereksheligi sol, ony muryn spreii kómegimen salady. Synaqtan sátti ótse, vaktsina ineden qorqatyndar úshin balama sheshim bolmaq.
Synaqty Brisben qalasyndaǵy Nucleus Network deitin zertteý kompaniiasy bastap otyr. Kompaniianyń meditsinalyq direktory, doktor Pol Griffin qazirgi vaktsinalardyń adamdardy aýyr halge túsýden qorǵaitynyn, al avstraliialyq ekpeniń virýsty juqtyrýdan saqtaitynyn aitady.
"Patogen nemese virýs aǵzaǵa qandai jolmen tússe, ekpeni sol jolmen salý tiimdilikti kúsheitedi... sonyń arqasynda virýstyń kirýine jol bermeidi" dep málimdedi Griffin.
Ǵalymdardyń aitýynsha, muryn spreii kúiindegi vaktsinalar naryqqa sanaýly jyldan keiin shyqpaq.
Qazir Avstraliiada eki koronavirýs vaktsinasy maquldanǵan. Olar: AstraZeneca jáne Pfizer. Osy aptada eldiń densaýlyq saqtaý ministrligi AstraZeneca ekpesiniń jastar arasynda trombozǵa ákelip jatqanyn, sol sebepti onyń tek 60 jastan asqandarǵa usynylatynyn aitty.
Avstraliia biligi vaktsinalaýdy 2021 jyldyń sońyna qarai aiaqtaýdy josparlap otyr. Koronavirýs infektsiiasy ssy kúnge deiin elde barlyǵy 30 myńǵa jýyq adamnan anyqtalǵan. Onyń 900-den astam qaitys bolǵan.
