Facebook áleýmettik jelisiniń Avstraliiada turatyn qoldanýshylary jańalyqtardan ajyrap qaldy.
18 aqpannan bastap Avstraliia aýmaǵynan buqaralyq aqparat quraldarynyń habarlaryn qaraýǵa jáne jańalyqtarǵa silteme jariialaýǵa bolmaidy. Barlyq BAQ habarlary áleýmettik jeliden joiyldy, - dep habarlady Reuters.
Avstraliia biliginiń internet alpaýyttardy jarnamadan túsken qarjyny olardyń platformasynda jańalyqtar jariialaǵan buqaralyq aqparat quraldarymen bólisýge mindetteý nieti Facebook ákimshiligin osyndai sheshim qabyldaýǵa itermeledi. Buǵan deiin Google korporatsiiasy da eger álgi zań qabyldanatyn bolsa, óz izdeý júiesin Avstraliia aýmaǵynan kire almaityndai etip buǵattap tastaitynyn málimdegen.
Avstraliia biligi Google-ge "munyń durys emes" dep jaýap berdi.
"Ondai is-áreket iri tehnologiialyq kompaniialardyń ózderin úkimetten de joǵary qoiyp, sondyqtan bizge ondai zań júrmeidi dep oilaityny jaily kóp eldiń kóńilin kúpti etken kúmándi rastaidy" dep málimdedi Avstraliia premer-ministri Skot Morrison.
Densaýlyq saqtaý ministri Greg Hant áleýmettik jelilerdiń shekteý týraly sheshiminen keiin qatelesip keibir memlekettik qyzmetter men qoǵamdyq uiymdardyń da saittary buǵattalyp qalǵany ózin "qatty shoshytqanyn" aitty.
