Avatar aýystyrý boiynsha event-joba jalǵasyp jatyr. Bul týraly Qazaqstan halqy assambleiasy «Jańǵyrý joly» respýblikalyq jastar qozǵalysynyń tóraǵasy Maksim Spotkai málimdedi, dep habarlaidy QazAqparat tilshisi.
«Keshe Qazaqstandaǵy Jastar jylynyń ashylý saltanatynda bastalǵan jáne jastardyń Memleket basshysynyń bastamalaryn qoldaýǵa baǵyttalǵan avatar aýystyrý boiynsha aktsiiamyz óz jalǵasyn tapty. Endi bul jumysty tek eki jastar uiymy - «Jańǵyrý joly» men «Jas Ulan» júrgizbeidi. «Jas Otan» jastar qanaty, «Bolashaq» qaýymdastyǵy, Qazaqstan stýdentteri aliansy jáne ózge de uiymdar óz saittarynda avatar úshin freimdardy ornalastyrýda. Jalpy alǵanda, aktsiia qanatyn keńge jaidy. Endi ózimiz de qansha jas qazaqstandyq azamattyń Prezident bastamalaryn qoldaǵanyn naqty aita almaitynymyzdy atap ótkim keledi. Sebebi, mysal keltirsek, jastar.inform.kz saitynda qazirgi kezde esepteýish 88 myń adamdy kórsetip otyrsa, jastar uiymdarynyń saittarynda esepteýishter joq. Qalai bolǵanda da, biz qazaqstandyq jastardy bul jobaǵa atsalysýǵa shaqyramyz», - dedi M.Spotkai.
Onyń pikirinshe, aktsiianyń jalpy qorytyndylaryn bir apta ishinde shyǵarýǵa bolady, degenmen, qazirdiń ózinde jastardyń Prezident bastamalaryn qoldaýdyń joǵary deńgeiin kórsetýde. Eske sala keteiik, sársenbi, 23 qańtar kúni «Jańǵyrý joly» jáne «Jas Ulan» jastar uiymdarynyń bastamasymen, «QazAqparat» HAA-nyń qoldaýymen jańa joba iske qosylǵan.
Buǵan deiin habarlanǵandai, Facebook áleýmettik jelisiniń paidalanýshylary óz avataryn Generation Q paraqshasyna kirip jańarta alady.
