Qazaqstandyq Erasyl Omarov aýyr atletikadan jasóspirimder arasyndaǵy Aziia chempionatynda qola júldeger atandy, dep habarlaidy QazAqparat.
Atalǵan týrnirde 55 kelide synǵa túsken Erasyl Omarov úsh múmkindigin tolyq paidalandy. Nátijesinde 104 kelini baǵyndyrdy.
Al julqýda úsh múmkindiktiń bireýin sátti paidalanyp, 124 keli ziltemirdi tóbesine kóterdi.
Qossaiystyń qorytyndysymen 228 keli salmaqty enshisine jazǵan ol úzdik úshtikti túiindedi.
Aita ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady.
Sondyqtan keibir sportshylar ekeýinde de synǵa túsedi.
Qurlyqtyq dodaǵa uldardan 13, qyzdardan 9 aýyr atlet bardy.
Aziia chempionaty 25 shildede máresine jetedi.
