Búgin Tailandtyń Pattaiia qalasynda aýyr atletikadan ótip jatqan álem chempionatynda qazaqstandyq Igor Son el qorjynyna alǵashqy medaldi saldy, dep habarlaidy QazAqparat.
55 keli salmaq dárejesinde synǵa túsken jerlesimiz qossaiys nátijesi boiynsha 266 (120+146) kelini baǵyndyryp, kúmis júldeger atandy. Osy salmaqta synǵa túsken taǵy bir otandasymyz Arlei Chonti qossaiys qorytyndysy boiynsha (118 + 145) 263 kelini baǵyndyryp, besinshi orynǵa taban tiredi.
Bul salmaqta bas júldeni qossaiys qorytyndysy boiynsha 294 (128 + 166) kelini eńsergen Soltústik Koreia ókili Om Iýn Chhol jeńip alsa, úzdik úshitikti 265 (118 + 147) kelini eńsergen irandyq Abdýlrahim ál Salima túiindedi.
Aita keteiik, atalǵan birinshilikte áielder arasyndaǵy básekede Qazaqstannan 55 keli salmaqta Zúlfiia Chinshanlo men 71 keli salmaqta Ekaterina Bykova el namysyn qorǵap jatyr.
Al erler arasynda 8 ziltemirshi baq synaidy. Atap aitar bolsaq, 55 keli salmaq dárejesinde Arli Chontei men Igor Son, 81 keli salmaqta da eki birdei atletimiz synǵa túsedi. Olar - Nijat Rahymov pen Aidar Qazov.
Al 89 keli salmaq dárejesinde Denis Ýlanovqa úmit artylsa, 96 keli salmaqta Ilia Ilinge senim artamyz. 109 keli salmaqta Ibragim Bersanov el namysyn qorǵamaq.
Pattaiiadaǵy álem chempionaty Olimpiada oiyndaryna irikteý týrnirleriniń sanatyna jatady.
27 qyrkúiek kúni máresine jetetin jarysta erler men áielder toǵyz medal jiyntyǵyn sarapqa salady.
