Tokio Olimpiadasynyń qola júldegerleri Igor Son men Zýlfiia Chinshanloǵa jańa avtokólik syiǵa beriledi. Bul týraly Qazaqstannyń aýyr atletika federatsiiasynyń baspasóz qyzmeti habarlady.
"Qazaqstannyń aýyr atletika federatsiiasy Tokio Olimpiadasynyń qola júldegerleri Igor Son men Zýlfiia Chinshanloǵa jańa Toyota Camry kóligin syilaidy. Sportshylardyń jeke jattyqtyrýshysy men quramanyń bas bapkeri aqshalai syiaqy alady",- delingen aqparatta.
Sportshylarǵa avtokólik kiltin Qazaqstannyń aýyr atletika federatsiiasy prezidenti Janat Túsipbekov Nur-Sultan qalasynda tabystamaq.
Sportshylar 28 shildede Qazaqstanǵa oraldy.
Qazir Qazaqstan qorjynynda dziýdoshy Eldos Smetov, aýyr atletshi Igor Son men Zýlfiia Chinshanlo jeńip alǵan úsh qola medal bar.
