2024 jyldan bastap elimizdiń aýyldyq eldi mekenderinde arnaiy keńes qurylady. Bul týraly QR Ulttyq ekonomika ministrligi Óńirlerdi taldaý jáne jergilikti ózin-ózi basqarýdy damytý departamenti direktorynyń orynbasary Mirjan Imanbaev málim etti, dep habarlaidy QazAqparat tilshisi.
«2021-2025 jyldarǵa arnalǵan jergilikti ózin-ózi basqarý tujyrymdamasyna sáikes 2024 jyldan bastap elimizde aýdan ákimderiniń sailaýy ótpek. Jergilikti ózin-ózi basqarýǵa qatysty taǵy bir jańalyq, aýyldyq jerlerde keńes qurylady. Negizi buǵan deiin de aýyldyq okrýgterde jergilikti qoǵamdastyq degen organ boldy, biraq onyń zańdy kúshi bolmady. Iaǵni qoǵamdastyq tek usynys bildirýge quqyly edi. Endi sol qoǵamdastyqty keńes dep atap, onyń quzyreti men qyzmetin jandandyrmaqpyz. Keńes músheleri sailanyp, olarǵa depýtat sekildi quzyret beriledi. Keńes múshelerin aýyl halqy ózi sailaidy. Keńes sol aýyldaǵy máselelerdi nazarda ustap, onyń sheshilýine atsalysady. Halyq pen ákim arasyndaǵy kópir desek te bolady. Eldi mekenderde keńes jumysyn bekitip, onyń múshelerin sailaý 2024 jylǵa josparlanyp otyr», - dedi Mirjan Imanbaev.
Odan bólek, ministrlik ókili aýyl biýdjetine qatysty jańashyldyqpen tanystyrdy.
«2018 jyldan bastap aýyl ákimdikterine biýdjetti basqarý quzyreti berildi. Búginde aýyldyq okrýgter 6 salyq túri boiynsha óz tabystaryn qazynaǵa quiyp otyr. Degenmen bul 10-15 paiyzdy ǵana quraidy, al qalǵan 80-85 paiyz qarajat aýdandyq biýdjetten qarastyrylady. Osy oraida biz aýyldyq eldi mekender úshin qosymsha salyq arqyly kiris kózin ashpaqpyz. Atap aitqanda, 2022 jyly 4 salyq jáne 2024 jyly taǵy birneshe salyq túri engiziledi. Osylaisha 2025 jyly aýyl biýdjetiniń 3/1 bóligin ózderi qamti alady. Odan bólek, aýyl biýdjetine qatysty qaǵazbastylyq máselesi bar, ony joiý úshin protsesti elektrondy júiege kóshirý qarastyrylyp jatyr», - deidi ol.
