Shyǵys Qazaqstan politsiiasy shóptiń ústine memlekettik tý beinelengen bannerdi jaýyp qoiǵan fermerdiń kim ekenin anyqtady, dep habarlaidy jergilikti Ýstinka LIVE.
Qoradaǵy shóp ústinde jatqan Qazaqstan týynyń videosy áleýmettik jeliler arqyly tez tarap ketken bolatyn. Politsiia shuǵyl túrde shara qoldanyp, bul jaittyń anyq-qanyǵyn bildi.
Belgili bolǵandai, Qalbataý aýylynyń turǵyny shóptiń ústin memlekettik týdyń ózimen emes, rámiz beinelengen alyp bannermen qymtap qoiǵan eken. Kólemi alty da úsh metr bannerdi er adam qańtar aiynda taýyp alyp, iske jaratypty.
"1965 jyly týǵan aýyl turǵyny ákimshilik jaýapkershilikke tartylady", - dep atap ótti Shyǵys Qazaqstan oblysynyń politsiia departamenti.
Qazir politsiia qyzmetkerleri er adamnyń tý beinelengen bannerdi qaidan tapqanyn anyqtap jatyr. Boljam boiynsha Táýelsizdik kúnine orai ázirlengen syńaily. Endi bannerdi kim jasady jáne merekeden keiin nege ie bolmady degen suraqtardyń jaýabyn tabý kerek.
