Qazaqstan aldaǵy ýaqytta agroónerkásip kesheninde memlekettik qoldaý sharalaryn kúsheitip, naryqtaǵy kóleńkeli falsifikatorlardy ysyrýy tiis. Otandyq ónimdi qoldaý sharalaryna qatysty QR Aýyl sharýashylyǵy ministrligi osyndai qaǵidat ustanyp otyr, dep habarlaidy "Ult aqparat".
QR Aýyl sharýashylyǵy birinshi vitse-ministri Aidarbek Saparovanyń aitýynsha, 2020 jyldyń 1 qańtaryndaǵy jaǵdai boiynsha Qazaqstanda aýyl sharýashylyǵynyń 776 investitsiialyq jobadan turatyn investitsiialyq portfeli 611 mlrd teńgeni qurap otyr.
«2019 jyldyń basty jumys qorytyndysy retinde 172 myń bas iri qarany satyp alynyp, 10 sút ónimderi fermasynyń ashylǵanyn atap ótýge bolady. Sonymen birge, byltyr jylyna 36 myń tonna taýyq etin óndiretin qus sharýashylyǵy salasynda eki joba iske asty. 11 iri jylyjai salynyp, 98,5 mlrd teńgege 5893 dana tehnika berildi», - dedi ol Parlamen Senatynda ótip jatqan dóńgelek ústelde.
Vitse-ministr áitse de qazir Eýraziialyq ekonomikalyq odaqtaǵy elderdegi seriktesterimizden qaraǵanda Qazaqstanda memlekettik qoldaý deńgeii tómen ekenin aitady. Máselen, Belarýs Jalpy ishki ónimniń 8,1 paiyzyn, Resei 6,3 paiyzyn aýyl sharýashylyǵyn qoldaýǵa jumsaidy. Al bizde Qazaqstanda bul kórsetkish 5 paiyzdy ǵana quraidy.
«Kórshi eldermen salystyra otyryp, keltirilgen málimetterge súiensek, Qazaqstan AÓK salasyn qoldaý jaǵynan olardan qalyp bara jatyr. Osy sebepti, reseilik jáne ózbekstandyq aýyl sharýashylyǵy ónimderi bizdikinen qaraǵanda básekege qabiletti. Osyǵan bailanysty Qazaqstan bul baǵytta memlekettik qoldaý sharalaryn kúsheitip, kórshi elderdiń tájiribesine súienip, qoldaý mehanizmderiniń tizimin uzartýy kerek. Sonymen qatar, memlekettik qoldaý sharalaryn ulǵaita otyryp, Qazaqstanda óndirilgen ónimdi ótkizý isine myqtap kirisý kerek. Ol úshin naryqtaǵy importtyq falsifikatorlardy ysyrǵan abzal. Áitpese, bizdiń isimizdiń bári nátijesiz aiaqtalýy múmkin», - dedi ol
