Aýyl sharýashylyǵy ministrligi elordanyń sol jaǵalaýynda ornalasqan Ministrlikter úiine kóshedi, dep habarlaidy QazAqparat agenttigi.
«Bul qadam Aýyl sharýashylyǵy ministrligi ujymyn Qazaqstan Respýblikasynyń barlyq basqa ministrlikteri men vedomstvolary ornalasqan ǵimaratqa jaqyn jerge kóshirý úshin jasalyp otyr. Árine, bizge qalanyń basqa aýdanynda, alystaý jerde otyrýǵa bolar edi. Biraq ta bizge dástúrli túrde barlyq ministrlikter otyrǵan jaqyn jerde jumys istegen jón dep oilaimyn. Bul óz kezeginde Aýyl sharýashylyǵy ministrligi jumysyna da ońtaily áser etedi», - dedi atalǵan vedomstvonyń basshysy Erbol Qarashókeev Ortalyq kommýnikatsiiaar qyzmetinde.
Onyń aitýynsha, kóshirý is-sharalaryn qarjylandyrý basqa baǵdarlamalardy júzege asyrýǵa yqpal etpeitin bolady.
«Bul qarajat basqa baǵdarlamalar boiynsha baǵyttalady jáne aýyl sharýashylyǵyn, aýyl sharýashylyǵy taýarlaryn óndirýshilerdi qarjylandyrý baǵdarlamalaryna yqpal etpeidi», - dedi ministr tilshiler saýalyna jaýap bere otyryp.
