Aýyl sharýashylyǵy ministri Erbol Qarashókeevtiń, vitse-ministrler men vedomstvo apparaty basshysynyń jalaqysy belgili boldy, - dep habarlaidy Tengrinews.kz.
Aýyl sharýashylyǵy ministrliginiń baspasóz qyzmeti Tengrinews.kz saýalyna bergen jaýabynda qyzmetkerlerge eńbekaqy tóleý Úkimettiń 2017 jylǵy 16 qazandaǵy "Memlekettik biýdjet esebinen ustalatyn barlyq organdar úshin qyzmetkerlerge eńbekaqy tóleýdiń biryńǵai júiesin bekitý týraly" qaýlysyna sáikes júrgiziletinin jazdy.
"Bul rette aýyl sharýashylyǵy ministriniń jalaqysy jeke tabys salyǵy men mindetti zeinetaqy jarnalaryn shegergende 941 316 teńge (eńbek ótiline qarai), aýyl sharýashylyǵy vitse-ministrleriniń jalaqysy 643 807 - 731 047 teńge (eńbek ótiline bailanysty), apparat basshysy jalaqysy 731 047 teńge (eńbek ótiline qarai) bolady", - dedi vedomstvo ókilderi.
Ministrlik basshylyǵynyń jalaqysy 2021 jyly óspegeni aityldy.
