AUTISM KAZAKHSTAN Ulttyq qaýymdastyǵynyń tóraǵasy, ekonomika ǵylymdarynyń doktory Nuriia Baltabaiqyzy aýtizmdi emdeýge qatysty kúdikti jarnamalar boiynsha ata-analarǵa úndeý jasady, dep habarlaidy QazAqparat.
«Keibir ortalyqtar men mamandar jarnama jasap, aýtizmdi bir aida nemese bir kýrsta emdep shyǵamyz degen kóptegen jarnamalardy jariialap jatyr. Mundai málimetke óte saqtyqpen qaraý kerektigin aitqym keledi. Bilikti mamandardyń atap ótýinshe, aýtimz eshqandai ekpemen, dárimen emdelmeidi. Sonymen qatar, taǵy da basqa kóptegen avtorlyq ádisnamalar shyǵyp jatyr. Olar ǵylymi turǵyda rastalmaǵan», - dedi Nuriia Baltabaiqyzy Ortalyq kommýnikatsiialar qyzmetinde.
Osy oraida ol álemdik tájiribede atalǵan ádisnama bolmasa da, Qazaqstan aýmaǵynda ǵylymi negizdelmegen tásilder jarnamalanyp jatqanyn aitty.
«Bizge ata-analar habarlasyp jatady. Bul tásilder boiynsha balalardyń ata-analarynan qomaqty qarajat suraidy. Biz bul tásilderdi qoldamaimyz, sebebi dári-dármekpen jáne basqa da ádistermen aýtizmdi bir aida nemese bir kýrs ishinde emdep shyǵa almady. Ata-analardy osyndai jarnamalarǵa saqtyqpen qaraýǵa shaqyramyn», - dedi AUTISM KAZAKHSTAN Ulttyq qaýymdastyǵynyń tóraǵasy.
