Aýstraliiada qatań karantinde jatqan tennisshiler úshin Grampians Trophy týrniri ótedi, dep habarlaidy "Ult aqparat".
Qazaqstan tennis federatsiiasy málim etkenindei, bul jarysta Melbýrnda karantinge bailanysty tolyq oqshaýlanyp, óz qonaqúi bólmelerinen shyǵa almaǵan sportshylar baq synaidy.
Olardyń arasynda qazaqstandyqtar Elena Rybakina men Iýliia Pýtintseva bar.
Melbýrnda 2 aqpanda bastalatyn atalmysh dodaǵa qatysýshylar tizimine sondai-aq kanadalyq Bianka Andreeský, shveitsariialyq Belinda Benchich, Belarýs ókili Viktoriia Azarenko, grekiialyq Mariia Sakkari jáne basqa tanymal tennisshiler esimi engizilgen.
Eske sala keteiik, budan buryn Elena Rybakinanyń Aýstraliia chempionatyndaǵy karantinde bári de qatań ekendigin, Zarina Diiastyń osy birinshilikti asyǵa kútip jatqanyn jazǵan bolatynbyz.
