- Qazaqstanda júrgizilgen aýqymdy aktsiialardyń arqasynda 10 myńnan asa jasyryn jumys istep kelgen jeke kásipker salyq tólei bastady, dep habarlaidy Ult.kz tilshisi QazAqparat agenttigine silteme jasap.
Esterińizge sala ketsek, ótken jyly Qarjy ministrliginiń Memlekettik kirister komiteti biznes-qoǵamdastyqpen «Chek talap et te, syilyq utyp al!» aktsiiasyn ótkizgen bolatyn.
«Aktsiia qorytyndysynda jasyryn jumys istep kelgen 10,4 myńnan astam jeke kásipker salyq esebine alynyp, 9,4 myńnan asa baqylaý-kassa mashinasy tirkeldi. 2016 jyldyń 23 jeltoqsanynda «Chek talap et te, syilyq utyp al!» aktsiiasynyń bas júldesi «Shevrole» kóligi oinatylyp, utys 596 teńgelik chegi bar Petropavl qalasynyń turǵynyna buiyrdy», - delingen ministrlik aqparatynda.
«Buǵan qosa, halyqtyq baqylaýdyń túrli formalary keńinen engizilýde. Arnaiy «WIPON» mobildi qosymshasy ázirlendi. Ózi azamattar belsendi paidalaný arqyly kóleńkeli ekonomika kólemin qysqartýǵa úles qosa aldy. Kásipkerler arasynda adal básekelestikti yntalandyrady», - dedi búgin QR Parlamenti Májilisinde «Salyqtyq jáne kedendik ákimshilendirýdi jetildirý» taqyrybyndaǵy Úkimet saǵatynda QR Qarjy ministri Baqyt Sultanov.
