Foto: aa.com.tr
Aýǵanstannyń shyǵysyndaǵy Kýnar provintsiiasynda magnitýdasy 6-ǵa jetetin jer silkinisi bolyp, aldyn ala málimetter boiynsha 250-den astam adam kóz jumdy, dep habarlaidy Anadoly.
Bul týraly Aýǵanstan Aqparat ministrliginiń ókili habarlady.
Onyń sózinshe, eń kóp zardap Kýnar provintsiiasynyń aýdandarynda tirkelgen, joldar topan sý men jer qabaty syrǵýy saldarynan jabylǵan, izdeý-qutqarý jumystary tikushaqtardyń kómegimen júrgizilip jatyr. Zardap shekkenderdiń sany 500-den astam, al qaza tapqandar sanynyń kóbeiýi múmkin.
Aýǵanstan ýaqytsha úkimetiniń baspasóz hatshysy Zabihýlla Mýdjahid AQSh kompaniiasy X áleýmettik jelisinde jer silkinisi adam shyǵynyna alyp kelgenin rastady.
— Ókinishke qarai, búgingi jer silkinisi shyǵys provintsiialarynda adam ólimine jáne materialdyq zalalǵa ákeldi, — dedi ol.
Ol jergilikti bilik pen turǵyndardyń qutqarý operatsiialaryna qatysyp jatqanyn, ortalyq úkimet pen kórshiles provintsiialardan komandalar apat aimaǵyna jiberilip jatqanyn atap ótti.
Jergilikti sheneýnikter bul elde bolǵan eń kúshti jer silkinisterdiń biri ekenin atap ótti. Sonymen qatar, óńirde magnitýdasy 5,2-ge jetetin kem degende eki qaitalama dúmpý tirkelgen.
AQSh Geologiialyq qyzmetiniń (USGS) dereginshe, jer silkinisiniń epitsentri Djelalabadtan soltústik-shyǵysqa qarai 27 shaqyrym jerde, 8 shaqyrym tereńdikte ornalasqan, Pákistanmen shekaraǵa jaqyn.
Buǵan deiin 27 tamyzda Aýǵanstan aýmaǵynda magnitýdasy 5,7 bolatyn jer silkinisi tirkelgenin jazǵanbyz.
Magnitýdasy 6-ǵa jetetin jer silkinisi eldiń soltústik-shyǵysyndaǵy Kýnar provintsiiasynda, Pákistanmen shekaraǵa jaqyn jerde jeksenbi kúni jergilikti ýaqytpen 23:47-de boldy, dep habarlady Nemis Jerdi zertteý ortalyǵy.
Odan keiin áldeqaida az qýatty dúmpýler tirkeldi.
Aýǵanstan biligi zardap shekkenderge kómek kórsetý qiyn bolǵanyn, sebebi bul aimaqqa jetý qiyn ekenin aitty.
