Halyqaralyq "Jýrnalisterdi qorǵaý komiteti" (CPJ) jýrnalister ólimi jii kezdesetin jáne qajetti deńgeide zerttelmeitin 13 eldiń tizimin jariialady. Onda ózge eldermen qatar Aýǵanstan, Pákistan jáne Resei de bar. Komitet sarapshylary bul memleketterde "qylmys jasaǵandar jazasyz qalady, bul ádetke ainaldy" dep baǵalaidy.
"Jýrnalisterdi qorǵaý komiteti" ázirlegen esepke sáikes, 13 eldiń keibiriniń "jaǵdaiy turaqty", keibirinde "qaqtyǵys oshaqtary bar".
Shtab-páteri Niý-Iorkte ornalasqan uiymnyń jazýynsha, 13 memlekette oqiǵany syni turǵyda sipattaýǵa tyrysqan jýrnalisterdiń únin tunshyqtyrý úshin qylmystyq toptar, sheneýnikter jáne ózge de yqpaldy tulǵalar kúsh qoldanady, olardyń zertteýine barynsha kedergi jasaýǵa tyrysady,
Komitet sarapshylarynyń pikirinshe, jýrnalister óliminiń kóp jaǵdaida zerttelmei qalýyna jemqorlyq, institýttardyń tiimsiz jumys isteýi, tereń zertteýge degen saiasi erik-jigerdiń bolmaýy sebep. Atalǵan reitingide birinshi orynda Somali, odan keiin Siriia, Irak, Ońtústik Sýdan, Filippin araldary jáne Aýǵanstan tur. "Alty jýrnalistiń ólimi zerttelmegen" Resei reitingide 11 orynda tur.
