Foto: advokatveurope.com
Ortalyq sailaý komissiiasynyń múshesi Shavkat Ótemisov aýdan jáne oblystyq mańyzy bar qala ákimi laýazymyna kimder kandidat bola alatynyn aitty, dep habarlaidy QazAqparat agenttigi.
«Aýdannyń, oblystyq mańyzy bar qalanyń ákimi bolyp sailanýy úshin QR azamaty Qazaqstan Konstitýtsiiasynda, «QR-daǵy Sailaý týraly» Konstitýtsiialyq zańynda, QR-daǵy jergilikti memlekettik basqarý jáne ózin-ózi basqarý týraly zańda jáne QR memlekettik qyzmet salasyndaǵy zańnamasynda belgilengen talaptarǵa sáikes kelýi tiis. Konstitýtsiialyq zańnyń 113-2-babyna sáikes, QR-nyń memlekettik qyzmet salasyndaǵy zańnamasynyń talaptaryna sáikestigin tekserý úshin ákimge kandidat tiisti aýmaqtyq sailaý komissiiasyna tizbesi QR Memlekettik qyzmet isteri agenttigi tóraǵasynyń buiryǵymen jáne Ortalyq sailaý komissiiasynyń qaýlysymen belgilengen qujattardy usynady. Olar: QR azamatynyń jeke basyn kýálandyratyn qujat kóshirmesi, aýdannyń, oblystyq mańyzy bar qalanyń ákimi kandidatynyń qyzmet tizimi, eńbek qyzmetin rastaityn qujattardyń kóshirmesi, bilimi týraly qujattar men olardyń qosymshalarynyń kóshirmeleri. Sonymen qatar zańnamaǵa sáikes, ákimdi tisti ákimshilik aýmaqtyq birliktiń halqy jalpyǵa birdei teń, tóte sailaý quqyǵy negizinde jasyryn daýys berý arqyly 25 jasqa tolǵan QR azamattarynyń qatarynan laýazymǵa sailaidy», - dedi Shavkat Ótemisov Ortalyq sailaý komissiiasynyń otyrysynda.
Onyń atap ótýinshe, Konstitýtsiiaǵa sáikes, sot is-áreketke qabiletsiz dep tanyǵan, sondai-aq sot úkimi boiynsha bas bostandyǵynan aiyrý oryndarynda otyrǵan azamattardyń sailanýǵa qatysý quqyǵy joq.
«Bul Konstitýtsiianyń 33-baby 3-tarmaǵynda kózdelgen. «Sailaý týraly» Konstitýtsiialyq zańǵa sáikes, sottalǵany zańdy belgilengen tártippen ótelmegen nemese alynyp tastalmaǵan adam, sonymen qatar sybailas jemqorlyq qylmys pen sybailas jemqorlyq quqyq buzýshylyq jasaýdaǵy kinási zańda belgilengen tártippen tanylǵan adam kandidat bola almaidy. Kandidat memlekettik qyzmet týraly zańnyń talaptaryna sai kelýi tiis. Óitkeni, ákimniń laýazymy memlekettik qyzmetshiler sanatyna jatady», - dedi komissiia múshesi.
