Foto: Akorda.kz
Aýdan ákimderine jergilikti biýdjetti basqarý quqyǵyn bergen jón. Bul týraly Prezident Qasym-Jomart Toqaev Qazaqstan halqyna Joldaýynda aitty, dep habarlaidy "Ult aqparat" Aqordanyń baspasóz qyzmetine silteme jasap.
«Aýdan ákimderine jergilikti biýdjetti basqarý quqyǵyn bergen jón dep sanaimyn. Bul, eń aldymen, sol jerdegi máselelerdi jedel sheshý úshin qajet.
Budan bólek, jergilikti biýdjetke jinalatyn salyqqa qatysty jeńildikterdi anyqtaý quqyǵyn aimaqtardyń ózine berý máselesin qarastyrý kerek. Bul shara biznestiń damýyna úlken serpilis ákelmek. Usynylyp otyrǵan bastama óte mańyzdy. Keleshekte aimaqtardyń tabysty damýyna airyqsha yqpal etedi. Sol sebepti barlyq ákim biýdjetaralyq qatynastardyń jańa úlgisine kóshý kezinde onyń birtutas memleketimizge tigizetin paidasy jáne tiimdiligi týraly oilaýy kerek», - dep usynys bildirdi Prezident.
