Aýa raiynyń buzylýyna bailanysty Qazaqstannyń birneshe óńirinde eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
4-5 qarasha aralyǵynda Qostanai oblysynyń kei jerlerinde tuman túsip, kóktaiǵaq bolady. Ońtústik-batystan soqqan jeldiń kúshi 18 m/s jetedi.
4-5 qarasha aralyǵynda Nur-Sultan qalasynda tuman túsip, kóktaiǵaq kútiledi.
3-5 qarasha aralyǵynda Almaty oblysynyń kei jerlerinde jaýyn-shashyn (jańbyr sońy qarǵa ulasady) bolady. Kei jerlerde tuman túsip, kóktaiǵaq bolady. Ońtústik-batystan soqqan jel soltústik-shyǵysqa aýysady. Jel ekpini - 15-20 m/s. Túnde kei jerlerde 0-5 gradýsqa deiin úsik júredi.
5-7 qarasha aralyǵynda Qyzylorda oblysynyń kei jerlerine tuman túsedi. 5 qarasha túnde kei jerlerde kóktaiǵaq bolady. Túnde jáne tańerteń soltústik-batystan jáne batystan jel soǵady. Jel qarqyny kei jerlerde 15-20 m/s deiin kúsheiedi.
4- 5 qarasha aralyǵynda Aqmola oblysynda tuman, kóktaiǵaq, jaiaý burqasyn bolady. Soltústik-shyǵystan soqqan jel batysqa aýysady. Kei jerlerde jeldiń kúshi 15-20 m/s jetedi. Kókshetaý qalasynda tuman túsip, kóktaiǵaq kútiledi.
4-5 qarasha kúnderi Túrkistan oblysynyń kei jerlerine tuman túsedi. Kóktaiǵaq bolady. Soltústik-batystan soqqan jel soltústik-shyǵys baǵytyna aýysady. Jel ekpini 15-20 m/s deiin kúsheiedi.
