Elimizdiń 7 óńirinde daýyldy eskertý jariialandy. Bul jaiynda QR Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
Onyń atap ótýinshe, 2021 jylǵy 10 naýryzda «Qazgidromet» RMK derekteri boiynsha 7 óńirde, atap aitqanda, Aqmola, Aqtóbe, BQO, Qaraǵandy, Qostanai, Pavlodar jáne Soltústik Qazaqstan oblystarynda daýyldy eskertý jariialandy.
«Qazirgi ýaqytta aýa raiynyń nasharlaýyna bailanysty (boran, qar, nashar kóriný, kóktaiǵaq) 6 óńirde respýblikalyq mańyzy bar avtojoldardyń 12 ýchaskesi jáne 51 oblystyq mańyzy bar ýchaske jabyldy. Olar: Aqmola, Soltústik Qazaqstan, Qostanai, Aqtóbe, Shyǵys Qazaqstan, Batys Qazaqstan oblystary», - dedi Talǵat Ýáli.
Ministrlik málimetinshe, Batys Qazaqstan oblysyndaǵy bekketterde 253 júk jáne jeńil avtokólik tur. Shuǵyl jumystarǵa TJM, IIM, jol qyzmetterinen, jergilikti atqarýshy organdardan barlyǵy 423 adam jáne 301 tehnika jumyldyrylǵan.
Halyqty eskertý maqsatynda aýa raiynyń nasharlaýy týraly 15 SMS-habarlamany taratylyp, «Dármen» mobildik qosymshasy arqyly 17 habarlama jiberilgen. Ýaqytyly aqparattyq-psihologiialyq kómek kórsetý úshin óńirlerde «Jedel bailanys jelisi» jumys isteidi.
