Foto ©REUTERS
Sońǵy 50 jylda aýa raiynyń qolaisyzdyǵyna bailanysty ólim-jitim bes ese artty, - dep habarlaidy Tengrinews.kz BUU saityna silteme jasap.
BUU-nyń mamandandyrylǵan mekemesi sanalatyn Dúniejúzilik meteorologiialyq uiymnyń (DMU) esebinde 1970 jyldan 2019 jylǵa deiin álemde qaýipti klimattyq, meteorologiialyq jáne gidrologiialyq ózgeristerge bailanysty eki millionnan asa adam qaitys bolǵany jazylǵan.
DMU málimeti boiynsha, 50 jylǵa jýyq ýaqytta 11 myńnan asy tabiǵi apat bolǵan, bul 3,64 trillion dollardan asa shyǵynǵa ákelgen. Mamandar klimattyń ózgerýi tótenshe aýa raiy qubylystarynyń kóbeiýine ákelelgenin atap ótti, al bul degenimiz barlyq tirkelgen ólimniń 45 paiyzy jáne ekonomikalyq shyǵynnyń 74 paiyzy.
Apattardyń kóbi, sarapshylardyń pikirinshe, sý tasqynynan bolady - 44 paiyz, al 17 paiyzy tropikalyq tsiklondarmen bailanysty. Barlyq ólimniń 91 paiyzy damýshy elderge tiesili.
Adamdardyń kóbi mynadan qaitys bolǵan:
- qurǵaqshylyqtan - 650 myńǵa jýyq ólim;
- daýyldan - 577,2 myńnan asa adam qaitys boldy;
- sý tasqynynan - shamamen 58,7 myń adam;
- joǵary temperatýradan - 55,7 myńnan asa ólim.
Al ekonomikalyq turǵydan eń kóp shyǵynǵa batyrǵan - daýyldar (521 milliard dollar) jáne sý tasqyny (115 milliard dollar).
Osyǵan qaramastan, esep avtorlary tabiǵi apattardan bolatyn ólim-jitim azaiyp kele jatqanyn aitty: 1970-1980 jyldary kún saiyn aýa raiyna bailanysty ortasha eseppen 170 ólim tirkelse, 2010 jyldary bul kórsetkish 40-qa deiin tómendedi.
Alaida ekonomikalyq shyǵyndar ósip jatyr. 2010-2019 jyldary kúndelikti materialdyq shyǵyndar ortasha eseppen 383 dollar boldy, bul 1970-1979 jyldardaǵy uqsas kórsetkishten jeti ese kóp.
Buǵan deiin klimatolog álemde sý tasqyny jiilegeni týraly aitqan edi. Eske salaiyq, Germaniia, Belgiia, Niderlandy, Frantsiia, Túrkiia jáne Qytaidaǵy qatty sý tasqyny úilerdi qiratyp, adam ólimine ákelgen bolatyn.
Al keshe AQSh-taǵy Tennessi shtatynda sý tasqyny saldarynan kem degende 22 adam qaitys bolǵany habarlandy. Elýge jýyq adam habar-osharsyz ketti.
