Aýa raiynyń qolaisyz jaǵdaiyna bailanysty elorda áýejaiynda 16 reis toqtatyldy. Bul týraly Nursultan Nazarbaev halyqaralyq áýejaiynyń baspasóz hatshysy Anvar Shalekenov málimdedi, dep habarlaidy "Ult aqparat".
Elordada aýa raiynyń buzylýy jol-kólik oqiǵalary men reisterdiń toqtatylýyna sebep boldy.
«Kún raiynyń buzylýyna bailanysty Nur-Sultan qalasyna ushyp keletin, odan ushyp shyǵatyn birneshe reis toqtatyldy. Jolaýshylar tolyq aqparatty áýejaidyń anyqtama bóliminen nemese áýe kompaniialarynyń koll-ortalyǵynan bile alady», - dep túsindirip ótti Nursultan Nazarbaev halyqaralyq áýejaiynyń baspasóz hatshysy Anvar Shalekenov.
Elordalyq áýejaidyń baspasóz hatshysy ushyp shyǵýy tiis 6 reis pen qonýy tiis 10 reistiń keiinge shegerilgenin naqtylady.
