Sinoptikter 11-13 maýsymǵa arnalǵan aýa raiy boljamyn jariia etti, dep habarlaidy "Ult aqparat" Qazgidrometke silteme jasap.
Biiktiktegi barikalyq qoinaýǵa bailanysty Qazaqstannyń batys oblystarynan basqa óńirlerde toqtaýsyz jaýyn jaýdy. Sol arqyly Barents teńizi men Jaiyqtyń soltústiginen troposferalyq salqyn jáne ylǵal aýa kelýde.
Aldaǵy úsh táýlikte respýblikaǵa salqyn jáne ylǵal aýa keletindikten aýa raiy qazirgisinen ózgermeidi. Burynǵydai elimizdiń basym bóliginde qubylmaly aýa raiy bolady, naizaǵaily ótkinshi jańbyr, respýblikanyń taýly aimaqtary men taý bókterlerinde qatty nóser kútiledi.
Aýa temperatýrasy ortasha kópjyldyq mánnen 3...5°S tómen saqtalady.
Tek batys jáne ońtústik batysta joǵarǵy atmosferalyq qysymnyń áserinen jaýyn-shashynsyz jáne ystyq aýa raiy kútiledi, kúndiz aýa temperatýrasy 30...38°S deiin joǵarylaidy.
