Atyraýda 24 jastaǵy jigitten 3 myńnan astam doza sintetikalyq esirtki tárkilendi, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, 29 naýryzda Esirtki qylmysyna qarsy is-qimyl basqarmasynyń qyzmetkerleri Atyraý qalasyndaǵy Gaidar kóshesinde 24 jastaǵy jigitti ustaǵan.
«Onyń páterin tintý kezinde jalpy salmaǵy 1 keli sintetikalyq esirtki zaty tárkilendi. Ustalǵan kúdiktiniń ústinen Qylmystyq kodekstiń 296-baby 4-bóligimen (asa iri mólsherdegi esirtki, psihotroptyq zattardy, sol tektesterdi ótkizý maqsatynsyz zańsyz daiyndaý, qaita óńdeý, iemdený, saqtaý, tasymaldaý) qylmystyq is qozǵaldy», - dedi oblystyq politsiia departamentiniń bastyǵy Qamza Úmbetqaliev.
Qazir kúdikti ýaqytsha ustaý izoliatoryna qamaldy.
