Atyraý oblysyna koronavirýsqa qarsy vaktsinanyń taǵy 5 600 dozasy jetkiziledi, dep habarlaidy "Ult aqparat".
Oblystyq densaýlyq saqtaý basqarmasynyń basshysy Ashan Baidýálievtiń málimetinshe, Atyraýǵa erteń, 4 naýryzda «Spýtnik V» vaktsinasynyń 2 000 dozasy jetkiziledi. Al, 15 naýryzda taǵy da 3 600 doza jetkizý kózdelip otyr.
«Birinshi kezekte dárigerler, muǵalimder jáne basqa da sanattaǵy qyzmetkerler ekpe alady. Máselen, 22 aqpannan beri Atyraý oblysynda meditsina qyzmetkerleriniń ekinshi komponentimen vaktsinatsiia júrgizilýde. Qazir 775 adam ekpe aldy. Al, 225 adamǵa vaktsina keste boiynsha kezekpen salynady» - dedi Ashan Baidýáliev.
Onyń aitýynsha, bilim basqarmasy usynǵan aldyn ala tizim 2 myńǵa jýyq pedagog koronavirýsqa qarsy vaktsina saldyrady. Bilim berý salasynyń qyzmetkerlerin vaktsinatsiialaýdy 9 naýryzda bastaý josparlanǵan.
