Atyraýdaǵy mektepke akademik Salyq Zimanovtyń esimi beriledi, dep habarlaidy "Ult aqparat".
Biyl belgili zańger, akademik Salyq Zimanulynyń týǵanyna 100 jyl toldy. Osyǵan orai Atyraý oblystyq sotynyń tóraǵasy Baýyrjan Jumaǵulov óńir basshylyǵyna Atyraý qalasyndaǵy kóshe men mekteptiń birine ǵalymnyń esimin berý týraly usynys túsirgen edi.
«Jaqynda oblys máslihatynyń depýtattary kezekti sessiiada oblystyq sot tóraǵasynyń usynysyna qoldaý bildirdi. Atyraý qalasyndaǵy № 37 orta mektepke Salyq Zimanovtyń esimin berý týraly sheshim qabyldanyp, respýblikalyq onomastikalyq komissiiaǵa usynys jiberildi. Endi onyń esimin kóshege berý máselesi de óz sheshimin tabatyn bolady», - dep habarlady oblystyq sottyń baspasóz hatshysy Boranbai Ǵaliev.
