Atyraýda janýarlarǵa qatygezdik jasaǵandardyń isin politsiia tekserip jatyr, dep habarlaidy "Ult aqparat".
«Áleýmettik jelide er adam atty basynan baltamen uryp óltirip jatqan video tarady. Ol kóptiń yzasyn týdyrdy. Videonyń Mahambet aýdanynyń Bereke kentinde úi janýarlary soiylatyn tsehta túsirilgeni anyqtaldy.
Qazir osy derek boiynsha QR Qylmystyq kodeksiniń 316-babynyń («Janýarlarǵa qatygezdik jasaý») 1-bóligi boiynsha sotqa deiingi tergep-tekserý júrip jatyr», - dep málimdedi oblystyq politsiia departamentiniń baspasóz qyzmeti.
Attardyń basynan baltamen urǵan er adamnyń kim ekeni anyqtalyp, ustaldy. Ol sotqa deiingi tergep-tekserý aiasynda tergelip jatyr.
