Atyraýda júrgizýshi áieldiń 1 mln teńgeden asatyn 54 aiyppulyn tólemegeni anyqtaldy, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, bir aptada aiyppulyn tólemei júrgen 56 avtokóliktiń iesi anyqtalǵan.
«Atalǵan avtokólikterdiń júrgizýshileri jyldamdyqty asyrý, jol belgisi talaptaryn oryndamaý, baǵdarshamnyń tyiym salynǵan túsinen ótý faktilerimen «Sergek» kameralaryna túsken.
Patrýldik politsiia qyzmetkerleri 30 shildede saǵat 11:10 shamasynda Mahambet kóshesi men Beibarys dańǵylynyń qiylysynda «Toyota Camry» avtokóligin toqtatty. Armeniiadan ákelingen kólikti 1974 jyly týǵan áiel basqarǵan. Tekserý kezinde atalǵan kólik iesiniń 1 mln 38 452 teńgeni quraityn 54 aiyppuldy tólemegeni anyqtaldy», - dep habarlady departamenttiń baspasóz qyzmetinen.
Qazir QR Ákimshilik quqyqbuzýshylyq týraly kodeksiniń 785-babyna sáikes aiyppuly tólenbegen armeniialyq kólik arnaýly turaqqa qoiyldy.
