Atyraý oblysynda 6 kúnnen beri joǵalǵan shopandy tappai jatyr, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń málimetinshe, 10 naýryzda Isatai aýdanyndaǵy sharýa qojalyǵynyń shopany joǵalyp ketken.
«Fermerlerdiń aitýynsha, 10 naýryzda eki shopan otardy óriske shyǵarǵan. Onyń biri – 60 jastaǵy azamat jańa týǵan qozyny vlfp, túiemen qystaýǵa bettegen. Al, ekinshi shopan keshke otardy qystaqqa ákelgen. Joǵalǵan shopandy izdeý sol kúni, 10 naýryzda bastaldy. Oǵan aýdandyq tótenshelikter men politsiia qyzmetkerleri jumyldyryldy» -dep habarlady departamenttiń baspasóz qyzmeti.
Alaida, ázirge izdestirý jumysynan nátije shyqqan joq. Soǵan bailanysty búgin, 16 naýryzda «Qazaviaqutqarý» RMK Atyraý filialynyń MI-8 tikushaǵy tartyldy.
«Bes saǵatqa jýyq áýeden izdestirý júrgizildi. Tikushaqpen Isatai, sondai-aq kórshiles Mahambet jáne Inder aýdandarynyń Batys Qazaqstan oblysynyń aýmaqtyq shekarasyna deiingi shalǵai ýchaskeler zertteldi. Tótenshe jaǵdailar departamentiniń qyzmetkerleri shalǵaida qaraýsyz qalǵan qystaýlardy da tekserdi» -dep málim etti departamenttiń baspasóz qyzmetinen.
Qazir jol talǵamaityn «Trekol» jáne ózge de kóliktermen 4 tótenshelik, 10 politsei, sondai-aq joǵalǵan malshy jumys istegen sharýa qojalyǵynyń 2 qyzmetkeri jumyldyrylǵan izdestirý jumysy jalǵasýda.
