Atyraýda jas politseiler oblystyq Tarihi-ólketaný mýzeiinde Tuńǵysh Prezidentke arnalǵan ekskýrsiialyq sabaqqa qatysty, dep habarlaidy QazAqparat.
Oblystyq tarihi-ólketaný mýzeiinde Tuńǵysh Prezident kúnine arnalǵan ekspozitsiia qoiyldy. Onda Nursultan Nazarbaevtyń memleketti basqarý, táýelsiz Qazaqstandy álem tanyǵan el retinde qalyptastyrý kezeńindegi qairatkerligi, eren eńbegi týraly tarihi, derekti qujattar túrindegi qundy jádigerler bar. Oblystyq Politsiia departamentiniń jas mamandary úshin atalǵan mýzeige ekskýrsiialyq sabaq uiymdastyryldy.
«Tuńǵysh Prezident kúnine orai uiymdastyrylǵan sharanyń basty maqsaty – jas mamandardy patriotizmge, jaýapkershilikke, bastamashyldyqqa tárbieleý. Osy oraida Ult Kóshbasshysy Nursultan Nazarbaevtyń joǵary adamgershilik qasieti, memleketshildigi men tabandylyǵy ár jasqa úlgi-ónege bolary daýsyz. Táýelsiz Qazaqstannyń áleýmettik-ekonomikalyq, quqyqtyq turǵyda órkendeýine úles qosqysy keletin ár qyzmetkerdiń boiynan osyndai qasietter tabylyp jatsa, elimizdiń bolashaǵy búgingiden jarqyn bolary anyq», - deidi departament bastyǵynyń orynbasary Ádilhan Baidosov.
Onyń aitýynsha, ekskýrsiialyq sabaq barysynda Tuńǵysh Prezident-Elbasy Nursultan Nazarbaevtyń ómiri men qyzmetine, saiasatkerligine arnalǵan ekspozitsiia tanystyryldy. Álemdik deńgeidegi memleket qairatkeriniń elimizdiń damýyna sińirgen eńbegi týraly keńinen aityldy.
Eske sala ketelik, budan buryn Atyraýda memlekettik qyzmetshilerdiń alleiasy ashylyp, Tuńǵysh Prezident kúnine orai ǵylymi-tájiribelik konferentsiia ótkeninhabarlaǵan edik.
