Atyraýǵa 3600 doza ekpe jetkizildi. Jańadan kelgen vaktsina jabyq áleýmettik mekemelerdiń stýdentteri men qyzmetkerlerine arnalǵan, dep habarlaidy "Ult aqparat" Atyraý oblystyq densaýlyq saqtaý basqarmasynyń baspasóz qyzmetine silteme jasap.
Spýtnik V vaktsinasynyń 3600 dozasy Aqtóbe farmatsevtikalyq habynan 2 sáýir kúni tańerteń jetkizildi.
Ony Atyraý oblysyndaǵy 22 egý pýnktine bólý josparlanýda.
Vaktsinalardyń jańa partiiasy jabyq áleýmettik mekemelerdiń stýdentteri men qyzmetkerlerine arnalǵan.
Sondai-aq, QR Densaýlyq saqtaý ministrligi usynǵan azamattardyń segiz basym sanaty boiynsha halyqty da vaktsinatsiialaý jalǵasady
Aita keteiik, búgingi tańda Spýtnik V ekpesiniń birinshi komponentimen óńirdiń 3600 turǵyny, ekinshi komponentimen 1556 adam egildi.
- Sońǵy táýlikte koronavirýsqa qarsy vaktsinanyń II komponentin 311 adam aldy. Onyń ishinde 8 memlekettik qyzmetshi, 60 meditsina qyzmetkeri jáne 243 pedagog bar, - dep naqtylady Atyraý oblysy densaýlyq saqtaý basqarmasynyń baspasóz qyzmetinen.
