Foto: ashyq derekkóz
Atyraý oblysynda tabiǵatty qorǵaý prokýratýrasy «Teńizshevroil» JShS-ne qorshaǵan ortany lastaý deregi boiynsha 639,6 mln teńge kóleminde aiyppul saldy, dep habarlaidy Ult.kz.
Prokýratýra 2023 jyldyń 3 jáne 4 toqsandarynda, sondai-aq 2024 jyldyń alǵashqy eki toqsanynda atmosferaǵa ruqsat etilgen shekten tys 49,3 tonna lastaýshy zattar shyǵarylǵanyn anyqtaǵan.
Onyń ishinde 4,9 tonna lastaýshy zat qorshaǵan ortaǵa eshqandai ekologiialyq ruqsatsyz tastalǵan.
Anyqtalǵan quqyqbuzýshylyqtar negizinde ákimshilik is qozǵalyp, sot «TShO» kompaniiasyna iri kólemdegi aiyppul salý týraly sheshim shyǵardy. Bul sheshim zańdy kúshine endi.
Aimaqta atmosferalyq aýanyń lastanýy ózekti ekologiialyq másele bolyp qala beredi. Prokýratýra bul baǵytta qadaǵalaý jumystaryn turaqty júrgizip otyr.
