Atyraýda Tokioda ótken Paralimpiada oiyndarynyń kúmis júldegerlerine kólik pen páter kilti tapsyryldy, dep habarlaidy QazAqparat.
Budan buryn Atyraýǵa Tokio Paralimpiadasynyń kúmis júldegeri atanǵan paradziýdoshylar oralǵanyn habarlaǵan edik.
Sol kezde parasportshylarǵa 1 mln teńgeniń sertifikaty berilgen bolatyn.
Búgin olarǵa taǵy da 1 mln teńgeniń sertifikat tapsyryldy.
Oblys ákimi Mahambet Dosmuhambetov Paralimpiadanyń kúmis júldegerleri Ánýar Sariev, Temirjan Dáýlet pen Zarina Baibatinaǵa kólik pen 2 bólmeli páter kiltin tapsyrdy.
Paralimpiada júldegerleriniń bapkeri Jandos Qiianovqa 4 mln teńge berildi.
«Bul – el sporty úshin tarihi jetistik, qajyrly eńbek pen namystyń, órshil rýhtyń jemisi. Eń bastysy, Atyraý sportshylarynyń el táýelsizdiginiń 30 jyldyǵyna airyqsha tartýy. Sizder myńdaǵan jastarǵa rýh syilap, qaisarlyqtyń mánin uǵyndyrdyńyzdar» - dedi oblys ákimi Mahambet Dosmuhambetov.
Sondai-aq, Paralimpiada qatysýshylary Amanjol Janbota, Ǵalymjan Smaǵululy, Erlan Ótepov, Nurlan Dombaev, Erjan Sálimgereev pen olardyń jattyqtyrýshylaryna qurmet kórsetildi.
