اتىراۋدا توكيودا ٶتكەن پاراليمپيادا ويىندارىنىڭ كٷمٸس جٷلدەگەرلەرٸنە كٶلٸك پەن پەتەر كٸلتٸ تاپسىرىلدى, دەپ حابارلايدى قازاقپارات.
بۇدان بۇرىن اتىراۋعا توكيو پاراليمپياداسىنىڭ كٷمٸس جٷلدەگەرٸ اتانعان پارادزيۋدوشىلار ورالعانىن حابارلاعان ەدٸك.
سول كەزدە پاراسپورتشىلارعا 1 ملن تەڭگەنٸڭ سەرتيفيكاتى بەرٸلگەن بولاتىن.
بٷگٸن ولارعا تاعى دا 1 ملن تەڭگەنٸڭ سەرتيفيكات تاپسىرىلدى.
وبلىس ەكٸمٸ ماحامبەت دوسمۇحامبەتوۆ پاراليمپيادانىڭ كٷمٸس جٷلدەگەرلەرٸ ەنۋار ساريەۆ, تەمٸرجان دەۋلەت پەن زارينا بايباتيناعا كٶلٸك پەن 2 بٶلمەلٸ پەتەر كٸلتٸن تاپسىردى.
پاراليمپيادا جٷلدەگەرلەرٸنٸڭ باپكەرٸ جاندوس قييانوۆقا 4 ملن تەڭگە بەرٸلدٸ.
«بۇل – ەل سپورتى ٷشٸن تاريحي جەتٸستٸك, قاجىرلى ەڭبەك پەن نامىستىڭ, ٶرشٸل رۋحتىڭ جەمٸسٸ. ەڭ باستىسى, اتىراۋ سپورتشىلارىنىڭ ەل تەۋەلسٸزدٸگٸنٸڭ 30 جىلدىعىنا ايرىقشا تارتۋى. سٸزدەر مىڭداعان جاستارعا رۋح سىيلاپ, قايسارلىقتىڭ مەنٸن ۇعىندىردىڭىزدار» - دەدٸ وبلىس ەكٸمٸ ماحامبەت دوسمۇحامبەتوۆ.
سونداي-اق, پاراليمپيادا قاتىسۋشىلارى امانجول جانبوتا, عالىمجان سماعۇلۇلى, ەرلان ٶتەپوۆ, نۇرلان دومباەۆ, ەرجان سەلٸمگەرەەۆ پەن ولاردىڭ جاتتىقتىرۋشىلارىنا قۇرمەت كٶرسەتٸلدٸ.
