Atyraýda meiramhana aldynda tóbeleskender izdestirilip jatyr, dep habarlaidy QazAqparat.
Oblystyq politsiia departamenti baspasóz qyzmetiniń málimetine súiensek, tóbeles 30 qazanda saǵat 23:30 shamasynda №1 qalalyq politsiia bólimine 1984 jylyǵy azamat shaǵymdanǵan.
«Aryzdanýshynyń aitýynsha, ony belgisiz adam meiramhana aldynda uryp-soǵyp, dene jaraqatyn salǵan. Tekserý kezinde jábirlenýshiniń dostarymen kezdesý úshin meiramhanaǵa kelgeni anyqtaldy. Jábirlenýshi meiramhananyń syrtynda belgisiz adamdardyń tóbelesip jatqanyn kórip, olardy ajyratpaq bolǵan. Sol kezde janjal shyǵarýshylardyń biri jábirlenýshini uryp jibergen» -dep málim etti departamenttiń baspasóz qyzmetinen.
Politsiia qyzmetkerleri jábirlenýshiniń shaǵymyna sáikes, jedel izdestirý is-sharasyn júrgizgen. Qazir 30 jastaǵy azamat ustady. Tóbeleske qatysqan ózge adamdar izdestirilip jatyr.
Qazir atalǵan derekke qatysty QR Qylmystyq Kodeksiniń 293-babynyń 2-bóligimen (Buzaqylyq) qylmystyq is qozǵalyp, tergeý bastaldy.
