Qaraqshylyq shabýyl jasaǵany úshin izdeý jariialanǵan Qyzylorda turǵyny qys boiy Atyraýda jasyrynyp júrgen. Bul týraly ATPress.kz redaktsiiasyna Atyraý oblysy politsiia departamentiniń baspasóz hatshysy Nazymgúl Qaisaǵalieva habarlady, dep jazady Sputnik.
Onyń aitýynsha, 17 jastaǵy jasóspirim ótken jyldyń jeltoqsanynda Shymkentte qaraqshylyq shabýyl jasady degen kúdikke ilingen. Osy oqiǵadan soń oǵan memleketaralyq izdeý jariialanyp, naýryz aiynda Atyraýda ustalǵan.
Qashqyn qamaýǵa alynyp, Qazaqstan Qylmystyq kodeksiniń 192-baby 2-bóligi (qaraqshylyq) boiynsha sotqa deiingi tergeý júrgizilip jatyr.
Qaisaǵalievanyń aitýynsha, ótken jyly atyraýlyq politseiler memleketaralyq izdeýde júrgen 88 azamatty (onyń 18-i sheteldik) ustaǵan.
