Atyraýda otbasy otyrǵan kólikti mas kúiinde júrgizgen júrgizýshi apatqa ushyrady, dep habarlaidy QazAqparat tilshisi.
«Oqiǵa 29 naýryz kúni túnde bolǵan. «Toyota Hilux» shaǵyn avtobýsynyń júrgizýshisi. 1986 jyly týǵan azamat Azattyq dańǵylymen Balyqshy yqshamaýdanyna qarai jol tartypty. Azattyq dańǵyly men Áýezov kóshesiniń qiylysynda mikroavtobýs «Nissan Maxima» avtokóligimen soqtyǵysyp, bar ekpinimen jol jieginde turǵan kókónis dúkenine kirip ketken. Júrgizýshiniń mas ekeni anyqtaldy», - dedi Atyraý oblystyq politsiia departamentiniń baspasóz qyzmeti.
Kólik ishinde júrgizýshiniń áieli men 2012 jáne 2015 jyly týǵan eki balasy bolǵan.
Tórteýi de aýrýhanaǵa jetkizilgen. Aita ketsek, atalǵan kólik apatynyń videosy áleýmettik jelilerge tarap ketken.
