Atyraýda kólik terezesin syndyryp, eki million teńgeni urlap ketken úsh adamnyń ustalǵan sátiniń videosy tarady, - dep habarlaidy Tengrinews.kz saity Polisia.kz portalyna silteme jasap.
12 qazanda saǵat 13.31 Atyraýdaǵy Politsiia basqarmasynyń "102" operatoryna qalanyń 35 jastaǵy turǵyny habarlasyp, saǵat 12.50 men 13.25 aralyǵynda belgisiz bireý Kia Sportage markaly kóliginiń terezesin syndyryp, ishinen eki million teńgeni urlap ketkenin aitqan.
Jedel izdestirý sharasy kezinde qalada ornatylǵan kameralardan tártip saqshylary jábirlenýshiniń kóliginiń artynda VAZ-2114 markaly kóligi erip kele jatqanyn baiqaǵan.
Kúdikti avtokólik Inder aýdanyndaǵy Jarsýat aýylynan 132 shaqyrym jerde toqtatyldy. Kólikti tekserý kezinde paketke salynǵan eki million teńge tabylǵan.
Politseiler urlyq jasaǵan úsh adam 40, 44 jáne 47 jastaǵy Oral, Aqtóbe jáne Shymkent qalalarynyń turǵyndary ekenin anyqtaǵan. Bul derek boiynsha Qylmystyq kodekstiń 188-baby 3-bóligi boiynsha qylmystyq is tirkeldi. Kúdiktiler ýaqytsha tergeý izoliatoryna qamaýǵa alyndy.
