QR Qarj ministrligi Qarjy monitoringi komitetiniń Atyraý oblysy boiynsha Ekonomikalyq tergeý departamenti «Búrkit» arnaiy maqsattaǵy jasaǵynyń kómegimen júrgizgen jedel-izdestirý is-sharasy nátijesinde «Bomond» kafesiniń VIP zalynda ornalasqan jasyryn kazino qyzmetiniń jolyn kesti, dep habarlaidy "Ult aqparat".
Kazinonyń uiymdastyrýshylar pandemiia kezinde karantin rejimin buzyp, kazino túrinde zańsyz oiyn biznesin jasyryn júzege asyrǵan.
Oqiǵa ornyn tekserý barysynda arnaiy kenep, oiyn kartalary, «Tehas Holdem» poker oiynyna arnalǵan chipter, chipterge arnalǵan stendter tabylyp, tárkilendi
Oiyn fishkalary jasyryn kazino uiymdastyrýshylaryna tiesili «Kaspii Gold» kartochkalaryna aqsha aýdarý arqyly satyp alynǵan.
«Atalǵan fakti boiynsha QR QK 307-baby 1-b. negizinde sotqa deiingi tergeý tirkeldi. Tergeý amaldary júrgizilýde» - delingen QR Qarjy ministrliginiń Qarjy monitoringi komitetiniń baspasóz qyzmeti.
