Atyraýda politsiia qyzmetkeri sýitsid jasamaq bolǵan er adamdy qutqaryp qaldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, Atyraý qalasyndaǵy «Nursaia» shaǵyn aýdanynda turatyn 33 jastaǵy turǵyn ózine qol salmaq bolǵan.
Ony áieli kórip qalyp, 102 nómirine qońyraý shalǵan.
«Aýmaqqa bekitilgen ýchaskelik politsiia beketiniń qyzmetkerleri ishimdik ishken kúiinde ózine qol jumsaýǵa árekettengen er adamdy qutqardy. Ýchaskelik politsiia inspektorlary qutqarylǵan azamatpen, onyń otbasy múshelerimen profilaktikalyq túsinik jumysyn júrgizdi» dep habarlady departamenttiń baspasóz qyzmetinen.
