Atyraýda esirtkimen ustalǵan politseiler 7 jylǵa sottaldy, dep habarlaidy "Ult aqparat".
Buǵan deiin Atyraý oblystyq politsiia departamentiniń eki qyzmetkeri tyiym salynǵan zatpen ustalǵan bolatyn.
«Atyraý qalasynyń №2 soty oblystyq politsiia departamentiniń qyzmetkerlerine qatysty aiyptaý úkimin shyǵardy. Politseilerge QR Qylmystyq Kodeksiniń 296-babynyń 4-bóligimen asa iri mólsherde gashish esirtkisin ótkizý maqsatynsyz zańsyz satyp alǵany, saqtaǵany jáne tasymaldaǵany úshin aiyp taǵyldy», - dep habarlady sottyń baspasóz qyzmeti.
Politsiia qyzmetkerleri asa iri mólsherde esirtki zattaryn zańsyz satyp alǵany, saqtaǵany jáne tasymaldaǵany úshin kináli dep tabyldy. Jasalǵan qylmystyń qoǵamǵa qaýiptiligine bailanysty olar kapitan men politsiia maiory sheninen aiyrylyp, 7 jylǵa sottaldy.
Úkim zańdy kúshine engen joq.
